ஹைக்கூ கவிதைகள்...

வரதட்சணை:

அம்மி மிதித்தவளை

திரும்பி மிதித்தார்கள்
கிரைண்டர் வராததால்

தொ(ல்)லைக்காட்சி பெட்டி!:

தொலைக்காட்சி பார்க்கும் நேரம்

விருந்தினர் வருகை - விசாரிக்க
வராமலா போகும் விளம்பரம்

சுமை:

அறிவின் துளிர்

சுமக்க முடியவில்லை
புத்தகச் சுமை

வாழ்க்கைப் பாடம்:

கிளறினால்
கிடைக்கும் வாழ்க்கை
கற்றுக்கொடுக்கும் கோழி

மதக்கலவரம்:

கருவறையில் பத்திரமாய்

கடவுள்கள் கல்லறையாய்

தெருவெங்கும் அப்பாவிகள்!!

நேரம்:

நேற்று அழிந்த எழுத்து
நாளை கிடைக்காத இனிப்பு
இன்றே சுவைக்கும் கனி

எடைக்குறைவு:

ரேசன் கடைக்காரருக்கு

குழந்தை பிறந்தது

எடை குறைவாய்!

புகை அது பகை:

அலறியது காற்று

ஒளிய இடமில்லை
வாகனப்புகை