தொகுப்புகள் - தற்போதைய இடுகைகள்

திருக்குறள் ஒலி(ஆடியோ) வடிவில்...

Sunday 11 September 2011

மலரும் நினைவுகள் - சிறுவர் பாடல்கள்...



பள்ளி செல்ல விரும்பு!
பள்ளி செல்ல விரும்பு
     பாடம் வெல்லக் கரும்பு;
படித்து விட்டுத் திரும்பு
     பண்ண வேண்டாம் குறும்பு;
அரும்பு போல சிரிப்பாய். 


தோசையம்மா தோசை!  
தோசையம்மா தோசை;
     அம்மா சுட்ட தோசை;
அரிசி மாவும் உளுந்த மாவும்
     கலந்து சுட்ட தோசை;
அப்பாவுக்கு நாலு;
     அம்மாவுக்கு மூணு;
அண்ணனுக்கு ரெண்டு;
     பாப்பாவுக்கு ஒண்ணு;
தின்னத் தின்ன ஆசை
     திருப்பிக் கேட்டா பூசை. 

 
கைவீசம்மா கைவீசு!
கைவீசம்மா கைவீசு
     கடைக்குப் போகலாம் கைவீசு;
மிட்டாய் வாங்கலாம் கைவீசு
     மெதுவாய்த் திங்கலாம் கைவீசு;
கோயிலுக்குப் போகலாம் கைவீசு
     கும்பிட்டு வரலாம் கைவீசு! 

 
குவாகுவா வாத்து!
குவாகுவா வாத்து
     குள்ளமணி வாத்து;
மெல்ல உடலைச் சாய்த்து
     மேலும் கீழும் பார்த்து;
செல்லமாக நடக்கும்
     சின்னமணி வாத்து!


சாய்ந்தாடம்மா சாய்ந்தாடு!
சாய்ந்தாடம்மா சாய்ந்தாடு
     சாயக்கிளியே சாய்ந்தாடு;
குத்து விளக்கே சாய்ந்தாடு
     கோவில் புறாவே சாய்ந்தாடு!


அணிலே அணிலே ஓடி வா!
அணிலே அணிலே ஓடி வா
     அழகிய அணிலே ஓடி வா;
கொய்யா மரம் ஏறி வா
     குண்டுப்பழம் கொண்டு வா;
பாதிப்பழம் உன்னிடம்
     மீதிப் பழம் என்னிடம்;
கூடிக்கூடி இருவரும்
     கொறித்துக் கொறித்துத் தின்னலாம்.

பச்சைக்கிளி!
பச்சைக்கிளி பாடும்
     பறந்து பறந்து ஓடும்;
உச்சிக் கிளையில் ஆடும்
     உலுக்கி உலுக்கி ஆடும்;
குண்டு மாம்பழம் தேடும்
     கூண்டில் அடைத்தால் வாடும்!


நிலா நிலா ஓடி வா!
நிலா நிலா ஓடி வா
     நில்லாமல் ஓடி வா;
மலை மீது ஏறி வா
     மல்லிகைப்பூ கொண்டு வா;
வட்ட வட்ட நிலாவே
     வண்ண முகில் பூவே;
பட்டம் போலே பறந்து வா
     பம்பரம் போல் சுற்றி வா.

No comments:

Post a Comment

இந்த "தொகுப்புகள்" வலைப்பூவின் பதிவு குறித்து உங்கள் மேலான கருத்துக்களை பின்னூட்டமிட்டுச் செல்லுங்கள் . மேலும் பதிவு பிடித்திருந்தால் உங்கள் நண்பர்களுடனும் பகிர்ந்துகொள்ளுங்கள். நன்றி!

பழமொழி இன்று

Related Posts Plugin for WordPress, Blogger...